Í Montalcino, í nágrenni Siena, eru framleidd heimsklassavín úr afbrigði Sangiovese þrúgunnar sem nefnist Brunello. Þekktasta vín svæðisins heitir Brunello di Montalcino sem er látið þroskast á tunnum í að minnsta kosti tvö ár og að minnsta kosti fjóra mánuði á flösku. Rosso di Montalcino er afbrigði af Brunello di Montalcino, oft kallað “litli bróðir Brunello”, en það þarf ekki að þroskast eins lengi og þar af leiðandi mögulegt að koma með vínið fyrr á markað.
Vínhúsið Il Poggione er staðsett á þessum slóðum, nánar tiltekið í Sant‘angelo in Colle í Montalcino, og framleiðir m.a. þetta virkilega vandaða vín sem flokkast sem Rosso di Montalcino. Il Poggione Rosso di Montalcino 2010 er framleitt að öllu leyti úr þrúgunni Sangiovese. Vínið er fyrst látið þroskast í 12 mánuði á frönskum eikartunnum en að því loknu er vínið látið þroskast á flösku í töluverðan tíma áður en það er sett á markað. Hér er um að ræða alvöru vín á sanngjörnu verði.
Lýsing: Kirsuberjarautt. Meðalfylling, þurrt, fersk sýra, miðlungstannín. Kirsuber, rauð ber, jörð, lauf.
Einkunnir ýmissa fagaðila: James Suckling: 90/100 – Wine Enthusiast: 88/100 – Vinous Antonio Galloni: 91/100 – CellarTracker: 88/100 – Jancis Robinson: 16.5/20
Il Poggione Rosso di Montalcino 2010 fæst í Vínbúðinni og kostar kr. 3.350.
Gott er að umhella þessu víni með að minnsta kosti klukkutíma fyrirvara til að gefa víninu tækifæri til að opna sig. Njótið vel með pasta með kjötsósu, rauðu kjöti og meðalþroskuðum ostum.
Vínhúsið Il Poggione er staðsett á þessum slóðum, nánar tiltekið í Sant‘angelo in Colle í Montalcino, og framleiðir m.a. þetta virkilega vandaða vín sem flokkast sem Rosso di Montalcino. Il Poggione Rosso di Montalcino 2010 er framleitt að öllu leyti úr þrúgunni Sangiovese. Vínið er fyrst látið þroskast í 12 mánuði á frönskum eikartunnum en að því loknu er vínið látið þroskast á flösku í töluverðan tíma áður en það er sett á markað. Hér er um að ræða alvöru vín á sanngjörnu verði.
Lýsing: Kirsuberjarautt. Meðalfylling, þurrt, fersk sýra, miðlungstannín. Kirsuber, rauð ber, jörð, lauf.
Einkunnir ýmissa fagaðila: James Suckling: 90/100 – Wine Enthusiast: 88/100 – Vinous Antonio Galloni: 91/100 – CellarTracker: 88/100 – Jancis Robinson: 16.5/20
Il Poggione Rosso di Montalcino 2010 fæst í Vínbúðinni og kostar kr. 3.350.
Gott er að umhella þessu víni með að minnsta kosti klukkutíma fyrirvara til að gefa víninu tækifæri til að opna sig. Njótið vel með pasta með kjötsósu, rauðu kjöti og meðalþroskuðum ostum.
