Kjartan Sturluson, ritstjóri MINITALIA, hefur sett saman lista yfir sjö uppáhaldsstaðina sína á Ítalíu. Þetta eru borgir, strandlengja, vatn, eyjar og meira að segja eitt hérað í heild sinni. Þetta eru hans uppáhaldsstaðir á Ítalíu en hverjir eru þínir?
1. Mílanó - nútímaleg en á sama tíma svo afslöppuð
Ég hef búið í þrígang í borginni Mílanó og er hún einfaldlega borgin mín. Það er einhvern veginn allt að gerast í borginni og allt á fullri ferð en á sama tíma er hún svo afslöppuð og notaleg. Það er upplifun að ganga um verslunargötur á borð við Via Montenapoleone og Via della Spiga; skoða vöruúrvalið, fólkið og jafnvel bílana. Dómkirkjan er mikilfengleg og mannlífið fjölbreytt á dómkirkjutorginu. Mannlífið er líka fjölbreytt við Naviglio Grande en þar er að finna endalaust úrval af veitingastöðum, t.d. mæli ég með Officina 12, La Fabbrica og Pizzeria Premiata. Eftir góðan dag í Parco Sempione, stærsta almenningsgarði borgarinnar, er vel þess virði að kíkja á hönnunarsafnið Triennale sem stendur við jaðar hans. Síðan er náttúrulega skylda fyrir hvern einasta unnanda góðrar knattspyrnu að kíkja á San Síró upplifa góðan nágrannaslag milli AC Milan og Inter Mílanó.
1. Mílanó - nútímaleg en á sama tíma svo afslöppuð
Ég hef búið í þrígang í borginni Mílanó og er hún einfaldlega borgin mín. Það er einhvern veginn allt að gerast í borginni og allt á fullri ferð en á sama tíma er hún svo afslöppuð og notaleg. Það er upplifun að ganga um verslunargötur á borð við Via Montenapoleone og Via della Spiga; skoða vöruúrvalið, fólkið og jafnvel bílana. Dómkirkjan er mikilfengleg og mannlífið fjölbreytt á dómkirkjutorginu. Mannlífið er líka fjölbreytt við Naviglio Grande en þar er að finna endalaust úrval af veitingastöðum, t.d. mæli ég með Officina 12, La Fabbrica og Pizzeria Premiata. Eftir góðan dag í Parco Sempione, stærsta almenningsgarði borgarinnar, er vel þess virði að kíkja á hönnunarsafnið Triennale sem stendur við jaðar hans. Síðan er náttúrulega skylda fyrir hvern einasta unnanda góðrar knattspyrnu að kíkja á San Síró upplifa góðan nágrannaslag milli AC Milan og Inter Mílanó.
2. Róm - borgin eilífa
Það er mikil upplifun að koma til “borgarinnar eilífu”, sjálfrar Rómar. Allar leiðir liggja til Rómar segir málshátturinn. Það stenst engin borg samanburð við Róm þegar kemur að sögufrægum stöðum og byggingum líkt og Péturskirkjuna, Vatíkanið, Sixtínsku kapelluna, Foro Romano, Coloesseum, Pantheon og Piazza Navona svo fátt eitt sé nefnt. Ég mæli líka sérstaklega með hverfinu Trastevere sem er virkilega heillandi með sínar þröngu götur sem geyma fjölmarga bari og veitingastaði.
Það er mikil upplifun að koma til “borgarinnar eilífu”, sjálfrar Rómar. Allar leiðir liggja til Rómar segir málshátturinn. Það stenst engin borg samanburð við Róm þegar kemur að sögufrægum stöðum og byggingum líkt og Péturskirkjuna, Vatíkanið, Sixtínsku kapelluna, Foro Romano, Coloesseum, Pantheon og Piazza Navona svo fátt eitt sé nefnt. Ég mæli líka sérstaklega með hverfinu Trastevere sem er virkilega heillandi með sínar þröngu götur sem geyma fjölmarga bari og veitingastaði.
3. Toscana - endalaus uppspretta alls þess besta
Toscana er stórkostleg, hvernig sem litið er á héraðið. Þar er að finna borgir á borð við Flórens með öll sín söfn og sögufrægu byggingar, Siena sem á miðöldum barðist við Flórens um völdin í héraðinu, Lucca með sína virkisveggi ásamt Pisa með sinn fræga skakka turn. Toscana er eitt allra frægasta vínræktarhérað landsins og eru Chianti, Montalicino, Bolgheri, Montepulciano og Maremma helstu svæðin. Óteljandi fjöldi víngerðarhúsa bjóða upp á skoðunarferðir og jafnvel gistingu og hefur víngerðarhúsið Castello Banfi verið að mörgu leyti í fararbroddi á þessu sviði. Svo ef menn vilja bregða undir sig líflega fætinum er náttúrulega hægt að kíkja í strandbæi á borð við Viareggio og Forti dei Marmi.
Toscana er stórkostleg, hvernig sem litið er á héraðið. Þar er að finna borgir á borð við Flórens með öll sín söfn og sögufrægu byggingar, Siena sem á miðöldum barðist við Flórens um völdin í héraðinu, Lucca með sína virkisveggi ásamt Pisa með sinn fræga skakka turn. Toscana er eitt allra frægasta vínræktarhérað landsins og eru Chianti, Montalicino, Bolgheri, Montepulciano og Maremma helstu svæðin. Óteljandi fjöldi víngerðarhúsa bjóða upp á skoðunarferðir og jafnvel gistingu og hefur víngerðarhúsið Castello Banfi verið að mörgu leyti í fararbroddi á þessu sviði. Svo ef menn vilja bregða undir sig líflega fætinum er náttúrulega hægt að kíkja í strandbæi á borð við Viareggio og Forti dei Marmi.
4. Ítalska ríverían - dásamlegir strandbæjar, fullir af sjarma
Liguria er þekkt sem ítalska riverían vegna fjölmargra strandbæja sem þekja strandlengjuna beggja vegna við Genóa. Strandlengjan vestan við Genóa kallast Riveria di Ponente en strandlengjan sem liggur í austur frá Genóa kallast Riveria di Levante. Það er sérstaklega skemmtilegt að þræða þann hluta sem kallast Riveria di Levante og upplifa fallega strandbæi á borð við Camogli, Portofino, Santa Margherita Ligure, Rapallo, Sestri Levante og síðast en ekki síst hið fræga og stórkostlega fjallasvæði Cinque Terre.
Liguria er þekkt sem ítalska riverían vegna fjölmargra strandbæja sem þekja strandlengjuna beggja vegna við Genóa. Strandlengjan vestan við Genóa kallast Riveria di Ponente en strandlengjan sem liggur í austur frá Genóa kallast Riveria di Levante. Það er sérstaklega skemmtilegt að þræða þann hluta sem kallast Riveria di Levante og upplifa fallega strandbæi á borð við Camogli, Portofino, Santa Margherita Ligure, Rapallo, Sestri Levante og síðast en ekki síst hið fræga og stórkostlega fjallasvæði Cinque Terre.
5. Feneyjar - stórbrotin borg sem sígur hægt og hljótt
Feneyjar eru stórbrotnar í allri sinni fegurð. Það er hrein upplifun að sigla niður Canale Grande og virða fyrir sér stórhýsi og glæsihallir liðinna tíma, kíkja í kaffi á eitt af aldagömlu kaffihúsunum við Markúsartorg og dást að stórfenglegum byggingum á borð við Markúsarkirkju, Hertogahöllina og klukkuturninn Il Campanile. Ég mæli með að fara til Feneyja að vori eða hausti en forðast þennan svokallaða háannatíma. Sneiðið hjá dagsferðum og bókið eina til tvær nætur á litlu sjarmerandi hóteli í hliðargötu. Njótið sólarupprásar og sólarlags á þessum stórfenglega stað.
Feneyjar eru stórbrotnar í allri sinni fegurð. Það er hrein upplifun að sigla niður Canale Grande og virða fyrir sér stórhýsi og glæsihallir liðinna tíma, kíkja í kaffi á eitt af aldagömlu kaffihúsunum við Markúsartorg og dást að stórfenglegum byggingum á borð við Markúsarkirkju, Hertogahöllina og klukkuturninn Il Campanile. Ég mæli með að fara til Feneyja að vori eða hausti en forðast þennan svokallaða háannatíma. Sneiðið hjá dagsferðum og bókið eina til tvær nætur á litlu sjarmerandi hóteli í hliðargötu. Njótið sólarupprásar og sólarlags á þessum stórfenglega stað.
6. Lago Maggiore - þvílík náttúrufegurð
Lago Maggiore, skiptist á milli héraðanna Piemonte og Lombardia og er austurbakkinn í Piemonte en vesturbakkinn í Lombardia. Á austurbakkanum má finna bæi á borð við Stresa og Verbania og ennfremur eyjurnar Isole Borromee sem samanstanda af nokkrum eyjum, þ.e. Isola Bella, Isola Madre,Isola dei Pescatori og Isolino di San Giovanni. Lago Maggiore er rétti staðurinn til að upplifa stórfenglega náttúrufegurð með endalausum útivistarmöguleikum, hvort sem maður vill hjóla, sigla, hlaupa, fara á seglbretti eða sjóskíði, gönguferðir eða einungis endurnærast við sundlaugarbakkann.
Lago Maggiore, skiptist á milli héraðanna Piemonte og Lombardia og er austurbakkinn í Piemonte en vesturbakkinn í Lombardia. Á austurbakkanum má finna bæi á borð við Stresa og Verbania og ennfremur eyjurnar Isole Borromee sem samanstanda af nokkrum eyjum, þ.e. Isola Bella, Isola Madre,Isola dei Pescatori og Isolino di San Giovanni. Lago Maggiore er rétti staðurinn til að upplifa stórfenglega náttúrufegurð með endalausum útivistarmöguleikum, hvort sem maður vill hjóla, sigla, hlaupa, fara á seglbretti eða sjóskíði, gönguferðir eða einungis endurnærast við sundlaugarbakkann.
7. Tórínó og nágrenni - stórkostlegir kastalar og mögnuð vín
Í Tórínó og víðar í héraðinu Piemonte er að finna söguleg heimkynni Savoy-fjölskyldunnar, fyrrum valdhafa landsins, sem skildu eftir sig stórkostlegar hallir og kastala frá miðöldum sem eru á heimsminjaskrá UNESCO. Í því samhengi má t.d. nefna hallirnar Palazzo Reale, Palazzo Carignano og Palazzo Madama og kastalann Castello del Valentino. Í borginni er ennfremur að finna knattspyrnufélagið Juventus og er alveg þess virði að kíkja á spánýjan heimavöll félagsins, sérstaklega þar sem það eru allir smá Juventini inn við beinið. Og fyrst maður er kominn til Tórínó á annað borð þá er tilvalið að heimsækja bæi á borð við Barolo, Barbaresco, Asti og Alba en þar eru framleidd mörg af bestu rauðvínum landsins úr þrúgum á borð við nebbiolo og barbera.
Í Tórínó og víðar í héraðinu Piemonte er að finna söguleg heimkynni Savoy-fjölskyldunnar, fyrrum valdhafa landsins, sem skildu eftir sig stórkostlegar hallir og kastala frá miðöldum sem eru á heimsminjaskrá UNESCO. Í því samhengi má t.d. nefna hallirnar Palazzo Reale, Palazzo Carignano og Palazzo Madama og kastalann Castello del Valentino. Í borginni er ennfremur að finna knattspyrnufélagið Juventus og er alveg þess virði að kíkja á spánýjan heimavöll félagsins, sérstaklega þar sem það eru allir smá Juventini inn við beinið. Og fyrst maður er kominn til Tórínó á annað borð þá er tilvalið að heimsækja bæi á borð við Barolo, Barbaresco, Asti og Alba en þar eru framleidd mörg af bestu rauðvínum landsins úr þrúgum á borð við nebbiolo og barbera.
