Spaghetti alla vesuviana er einn af þessum dásamlegu réttum frá héraðinu Campania sem er í senn einfaldur, þónokkuð fljótlegur og óendanlega bragðgóður. Ítalskar fjölskyldur eiga alltaf þau hráefni í búrskápnum sem þarf í þennan rétt, t.d. ólífur, chilli, kapers og hvítlauk. Þetta er því tilvalinn réttur til að grípa í þennan rétt þegar óvænta gesti ber að garði og maður þarf að rigga upp veislu á skömmum tíma.
Matur fyrir fjóra - Undirbúningur: 10 mínútur - Eldamennska: 25 mínútur
Hráefni
1) 400 gr spaghettí 2) 3 stk hvítlauksrif 3) 1 stk stór chillibelgur 4) 1 stk af tómötum í dós 5) 80 gr grænar ólífur, skornar í sneiðar 6) 30 gr. kapers 7) 5 msk ólífuolía 8) 60 gr parmesan 9) 200 ml pastavatn, tekið frá þegar hellt er af pastanu. 10) oreganó 11) salt 12) pipar
Aðferð
1) Hitið ólífuolíuna á góðri pönnu. 2) Bætið hvítlauknum ásamt 3) chilli á pönnuna og látið þetta svitna í nokkrar mínútur á frekar lágum, alls ekki láta hvítlaukinn brenna. 4) Bætið því næst tómötunum á pönnuna ásamt einni teskeið af sykri og látið þetta malla á lágum hita í fimmtán mínútur, hrærið öðru hvoru.
Hráefni
1) 400 gr spaghettí 2) 3 stk hvítlauksrif 3) 1 stk stór chillibelgur 4) 1 stk af tómötum í dós 5) 80 gr grænar ólífur, skornar í sneiðar 6) 30 gr. kapers 7) 5 msk ólífuolía 8) 60 gr parmesan 9) 200 ml pastavatn, tekið frá þegar hellt er af pastanu. 10) oreganó 11) salt 12) pipar
Aðferð
1) Hitið ólífuolíuna á góðri pönnu. 2) Bætið hvítlauknum ásamt 3) chilli á pönnuna og látið þetta svitna í nokkrar mínútur á frekar lágum, alls ekki láta hvítlaukinn brenna. 4) Bætið því næst tómötunum á pönnuna ásamt einni teskeið af sykri og látið þetta malla á lágum hita í fimmtán mínútur, hrærið öðru hvoru.
Á þessum tímapunkti er tilvalið að hefja pastasuðuna. 5) Bætið ólífunum á pönnuna 6) ásamt kapersinu, 7) salti og nýmöluðum pipar eftir smekk. Látið malla áfram í nokkrar mínútur. 8) Þegar pastað er "al dente" þá bætir maður því út í sósuna og blandar vel saman, bætið við 200 millilítrum af pastavatninu og látið malla í 1-2 mínútur. Bætið svo rifnum parmesan yfir herlegheitin, blandið vel saman við og berið réttinn strax fram.
