Risotto ai funghi er dásamlegur fyrsti réttur þar sem uppistaðan eru risottogrjón og sveppir. Þessi réttur er sérstaklega gómsætur á haustin þegar hægt að nota nýtýnda sveppi úr íslenskri náttúru. En þess á milli er vel hægt að notast við gömlu góðu flúðasveppina eða þurrkaða sveppi, annaðhvort innflutta eða íslenska sem týndir hafa verið haustið áður. Ef notast er við þurrkaða sveppi þá er góð regla að nota ca. 10-15 grömm af þurrkuðum sveppum á móti hverjum 100 grömmum af ferskum sveppum.
Hráefni
1) 360 gr risotto-grjón, helst carnaroli en annars arborio 2) 1-1,5 líter grænmetis- eða sveppasoð 3) 500 gr af ferskum sveppum (eða 50-75 gr af þurrkuðum sveppum) 4) 1 laukur 5) 1 hvítlauksrif 6) 2 msk ólífuolía 7) 40 gr smjör 8) 2 matskeiðar steinselja 9) 50 gr Parmigiano Reggiano 10) Pipar 10) salt
Aðferð
1) Hitið ólífuolíu á pönnu og steikið saxaðan hvítlaukinn við lágan hita í ca. 2 mínutur 2) Bætið við sveppunum, hækkið hitann og steikið þá í ca. 5-10 mínútur. Sveppirnir eiga samt að vera pínulítið stökkir við lok steikingartímans. 3) Bætið við salti og pipar eftir smekk ásamt smátt skorinni steinselju. 4) Leggið sveppina til hliðar. 5) Hitið ólífuolíu á annarri pönnu og steikið saxaðan laukinn við lágan hita í nokkrar mínútur. Laukurinn má alls ekki verða brúnn heldur á að steikja hann þar til að hann verður gegnsær. 6) Bætið grjónunum á pönnuna og steikið við háan í tvær mínútur 7) Lækkið hitann, setjið út eina ausu af soði í einu og látið sjóða við miðlungshita. Bætið við soði eftir þörfum en grjónin þurfa ca. 20 mínútur í suðutíma. 8) Þegar 5 minútur eru eftir af suðutímanum er sveppunum bætt út í blönduna og í kjölfarið haldið áfram að bæta við soði. 9) Fjarlægið pönnuna af hitanum og hrærið smjörinu saman við. 10) Að lokum er ostinum bætt við og öllu hrært vel saman.
Njótið til hins ýtrasta í góðra vina hópi, hvort sem er sem fyrsta rétt eða jafnvel sem aðalrétt. Svo náttúrulega sakar aldrei að hafa glas af góðu rauðvíni við höndina.
1) 360 gr risotto-grjón, helst carnaroli en annars arborio 2) 1-1,5 líter grænmetis- eða sveppasoð 3) 500 gr af ferskum sveppum (eða 50-75 gr af þurrkuðum sveppum) 4) 1 laukur 5) 1 hvítlauksrif 6) 2 msk ólífuolía 7) 40 gr smjör 8) 2 matskeiðar steinselja 9) 50 gr Parmigiano Reggiano 10) Pipar 10) salt
Aðferð
1) Hitið ólífuolíu á pönnu og steikið saxaðan hvítlaukinn við lágan hita í ca. 2 mínutur 2) Bætið við sveppunum, hækkið hitann og steikið þá í ca. 5-10 mínútur. Sveppirnir eiga samt að vera pínulítið stökkir við lok steikingartímans. 3) Bætið við salti og pipar eftir smekk ásamt smátt skorinni steinselju. 4) Leggið sveppina til hliðar. 5) Hitið ólífuolíu á annarri pönnu og steikið saxaðan laukinn við lágan hita í nokkrar mínútur. Laukurinn má alls ekki verða brúnn heldur á að steikja hann þar til að hann verður gegnsær. 6) Bætið grjónunum á pönnuna og steikið við háan í tvær mínútur 7) Lækkið hitann, setjið út eina ausu af soði í einu og látið sjóða við miðlungshita. Bætið við soði eftir þörfum en grjónin þurfa ca. 20 mínútur í suðutíma. 8) Þegar 5 minútur eru eftir af suðutímanum er sveppunum bætt út í blönduna og í kjölfarið haldið áfram að bæta við soði. 9) Fjarlægið pönnuna af hitanum og hrærið smjörinu saman við. 10) Að lokum er ostinum bætt við og öllu hrært vel saman.
Njótið til hins ýtrasta í góðra vina hópi, hvort sem er sem fyrsta rétt eða jafnvel sem aðalrétt. Svo náttúrulega sakar aldrei að hafa glas af góðu rauðvíni við höndina.